LIGJET E BIZNESIT
Ndërtohet në 3D skema e aksidentit tragjik në autostradën Fier-Vlorë, që i mori jetën 4 personave të familjes Gushi që erdhën nga Greqi në vendin tonë për pushime.
Pas mjetit tip “Toyota”, ku ishte familja nga Patosi, po udhëtonte dhe makina Audi A8 me targë AA 107 XX me vlerë afro 100 mijë €. Makinën luksoze e drejtonte 22-vjeçari Igli Madani, ndërsa me vete si pasagjerë kishte edhe dy shokë të tij.
Ashtu siç shihet edhe në videon 3D, familja udhëton me qetësi në autostradë, me shpejtësi brenda normave të lejuara. Pas tyre vinte me shpejtësi “Audi A8”, ku 22-vjeçari si pasojë e shpejtësisë mbi 165 km/h humbi kontrollin, ku edhe pse frenoi për 63 metra nuk mundi të shmangte dot tragjedinë për shkak të shpejtësisë së lartë.
Në orën 08:23 ndodh përplasja fatale për familjen, ‘Audi’ godet nga pas ‘Toyotën’, e cila batohet dhe bën disa rrotullime në autostradë duke përfunduar kanal 33 metra jashtë rrugës. Eduart Gushi, 44 vjeç, Silvana Gushi, 33 vjeç, Anastasia Gushi, 14 vjeçe dhe Eva Gushi, 9 vjeçe humbën jetën në vendngjarje dhe për shkak të deformimit të madh të makinës, trupat e tyre mbetën të bllokuar brenda sa u desh ndërhyrja e zjarrfikëses për nxjerrjen e tyre.
Në kanal përfundoi edhe makina “Audi A8”, ku mbetën të plagosur Igli Madani, Fabio Lamaj dhe Glori Selimi, pa rrezik për jetën. Për rastin ndaj Igli Madanit është caktuar masa arrest me burg.
