Mbaroi për financë dhe sot punon si shofere autobusi në Zvicër/ Historia e vajzës shqiptare

Teuta Helshani, shqiptare nga Kosova ka një histori jo të zakonshme, ajo ka thyer barrierat dhe steriotipet gjinore, për të përmbushur ëndrrën e saj.

Një vajzë e re që drejton mjetin e transportit përreth qendrës së St.Gallen-it, në Zvicër.

“Jam lindur në Ferizaj në vitin 1990, kam mbaruar shkollën fillore dhe të mesme po në të njëjtin qytet, për të vazhduar pastaj me studime në Universitetin e Prishtinës “Hasan Prishtina”, në Fakultetin Ekonomik, Departamenti “Banka, Financa dhe Kontabilitet”, tregon ajo.

“Pas përfundimit të studimeve nuk pata fatin që profesionin tim ta ushtroj në vendlindjen time. Pas kurorëzimit të dashurisë me martesë në vitin 2013, unë vazhdova jetën pranë bashkëshortit tim në Zvicër”, shprehet ajo për mediat kosovare.