Lehtësohen masat/ Italia vendos mini-karantinë për shqiptarët, ja sa ditë duhet të izolohen

Në kuadër të pandemisë, Italia ka vendosur rregulla të reja për lëvizjet jashtë Bashkimit Europianit dhe zonës Shengen.

Mësohet se do të futet mini-karantina 5 ditore për disa shtete si Shqipëria, Kosova, Maqedonia e Veriut dhe Mali i zi.

Ministri italian i Shëndetësisë Roberto Speranza ka firmosur draftin e ri i cili është publikuar në fletoren zyrtare.

Vendi ynë është renditur në listën D, bashkë me Kosovën,  Maqedoninë e Veriut, Malin e Zi, SHBA, Ukrainën, Singaporin, Arabinë Suadite, Armeninë, Australinë, Azerbajxhanin, Japoninë, Moldavinë, Katarin, Irlandën e Veriut.

Rezultati negativ i tamponit do të lejojë daljen nga vetëkarantinimi 5 ditor. Për fëmijët deri në moshën 6 vjeç nuk është e detyrueshëm kryerja e tamponit molekular o antigjenik.

Ndërkaq, udhëtimi në territorin italian me makinë private për një periudhë më shumë se 36 orë nuk e bën të detyrueshme karantinën.