LIGJET E BIZNESIT
Në muajin gusht nis aplikimi për studentët e Akademisë së Forcave të Armatosura.
Në shkollën e lartë ushtarake të ciklit Bachelor por njëkohësisht edhe atë master do të ketë degë jo vetëm për ata persona që dëshirojnë të bëjnë karrierë në forcat e armatosura, por edhe në sektorin civil, nisur kjo nga modeli amerikan i ‘West Point’.
“Dy programe në bachelor dhe një në master, jo vetëm shkenca ushtarake, por edhe shkenca të tjera siç janë IT dhe navigacion detare dhe siguri kibernetike”, u shpreh ministri i Mbrojtjes, Niko Peleshi.
Kush dëshiron të ndjekë akademinë duhet të aplikojë në e-Albania. Pas kësaj, regjistrimet bëhen sipas udhëzimeve në website të Ministrisë së Mbrojtjes nga datat 6-13 gusht. Konkurset me 3 përbërësit shëndetësor, mendor dhe fizik zhvillohen ndërmjet datave 16-20 gusht.
“Të gjithë studentët tanë kanë akomodim të garantuar, ushqim të garantuar dhe një pagesë jo të vogël prej 30 mijë lekësh të reja në muaj”, u shpreh ministri Niko Peleshi për Euronews Albania.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Çdo oficer i Forcave të Armatosura sapo titullohet, futet në një karrierë e cikla është ndërtuar mbi punën që ti bën në njësi dhe reparte, edukimin tënd dhe kurse të vazhdueshme”, shpjegon më tej gjeneral brigade Albert Mullai, komandanti i Akademisë së FA.
