LIGJET E BIZNESIT
I ftuar në emisionin “Të paekspozuarit”, gazetari Artan Hoxha tregoi rastin e një bizensmeni icili nga frika kishte guxim të bënte denoncim në polici e as në media, pasi grupet kriminale i kishin marrë një vilë me vlerë 450 mijë euro dhe 800 mijë euro.
“Tirana ndryshe nga qytetet e tjera, krimi më i madh që ndodh në Tiranë është gjoba. Gjoba ndaj biznesmenëve. Gjobat kanë qenë vazhdimisht problem, ka disa momente kur rriten, pra intensifikohet dhe ka momente që bie. Kur intensifikohet, shteti është dobët, bie vigjilenca. Gjobat u vihen bizneseve që kanë mundësi t’i paguajnë. Në Tiranë një pjesë e mirë e bizneseve të mëdha bashkëpunojnë sidomos me grupet e mëdha të trafikut të kokainës, sepse marrin paratë e tyre, se s’kanë ku t’i çojnë ,dhe ata injektojnë para, tek ato kompani që kanë probleme dhe nëse nuk i rimarrin paratë i marrin biznesin.
Gjatë vitit të kaluar, brenda një nate u goditën katër kompani kryesore që janë në autostradë, u mitroluan. Shkoi një makinë atje, dhe goditi fasadat e bizneseve . Pra kur biznesi goditet me armë, do të thotë se po reziston dhe nuk ka paguar gjobën. Unë di një rast ditët e fundit, ku një biznesmen, nuk donte ta publikonte në media dhe nuk do e denonconte në polici, ai ka një firmë rrugësh, që ka marrë tenderë publikë. I kishin marrë 800 mijë euro dhe një vilë 450 mijë euro, dhe ata që po i merrnin gjobën ishin personazhe te viteve 2000. Edhe kërkonte ndihmë edhe nuk denonconte,”- tha Hoxha ndër të tjera.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
