LIGJET E BIZNESIT
Ish-kryetari i PD në Korçë Andrea Mano, i cili dha dorëheqjen nga ky post por dhe si anëtar i Këshillit Kombëtar, është pyetur nëse kjo forcë politike mund të rrëzojë ndonjë ditë kryeministrin Edi Rama dhe të vijë në pushtet.
Sipas tij këtë qeveri e rrëzon populli dhe jo Partia Demokratike.
“Ramën mund ta rrëzojë vetëm populli, jo PD. Detyra e Partisë Demokratike është të shohë pikë së pari veten e vet, organizimin dhe mënyrën e përfaqësimit.
Duhet që të gjenden individë që përfaqësojnë më gjërë sesa një parti, përfaqësues të Shoqërisë Civile, grupe interesi.
Duhet të lindësh shpresën te njerëzit, të jesh më i besueshëm.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Gjithë këto pakënaqësi që për tetë vite qytetarët kanë ndaj Ramës, pse njerëzit shkojnë e votojnë sërish për të tretën herë?
Nuk mundet që gjithë këta njerëz të gabojnë, unë mendoj se nuk e gjejnë veten te opozita dhe le të themi që “zgjedhin të keqen më të vogël”.
PD duhet të përfaqësojë të gjitha shtresat e shoqërisë e kjo nuk bëhet duke betonizuar partinë, por duke pasur liri, përfaqësim për secilin dhe jo vendimmarje autokrate”, u shpreh Andrea Mano për Report Tv.
