Igli Tare e ka seriozisht, ofertë zyrtare për të marrë Shaqirin te Lazio

Orët e fundit është rikthyer një thashethem nga Anglia: “Lazio e ka seriozisht sa i përket Xherdan Shaqirit”.

Futbollisti që është një nga protagonistët e Zvicrës në kampionatin e fundit evropian, është një dëshirë e hershme e drejtorit sportiv, Igli Tare.

Si fillim, shqiptari ka biseduar me trajnerin Maurizio Sarri dhe ky i fundit dha miratimin për nisjen e negociatave me futbollistin.

Mësohet se Lazio i ka ofruar Liverpool 10 milionë euro plus dy bonuset. Liverpool nuk është i gatshëm që ta shesë lojtarin për më pak se 15 milionë. Lojtari duket se po shijon pushimet pas lodhjes në Europian.