I rrëmbyen të birin nga dora teksa po ecnin, nëna heroinë sfidon keqbërësit 

Si shqiponja për të vegjëlit e saj, kështu mund të cilësohet veprimi i një nëne e cila ka shpëtuar nga kthetrat e keqbërësve të birin. Ngjarja ka ndodhur në një rrugë të Nju Jorkut teksa djali po ecte me familjen e tij dhe një 24-vjeçar doli me vrap nga makina për ta kapur dhe për t’ia mbathur.

Kamera e rrugës filmoi momentin kur nëna e djalit shpëtoi të birin duke e tërhequr atë nga dritarja e makinës. Ajo ka qenë duke ecur në rrugë me tre fëmijët e saj kur disa keqbërës tentuan t’i trafikonin një nga fëmijët.

Një grua e pranishme që dëgjoi të bërtiturat e nënës telefonoi policinë, e cila vuri në pranga 24-vjeçarin. Mediat e huaja bëjnë me dije se 5-vjeçari nuk ka pësuar dëme shëndetësore.