“Gjaku lahet me gjak”! Mesazhi që u gjet te vendi ku u ekzekutua 23-vjeçari shqiptar në Itali

Një mesazh i lënë mes luleve “Gjaku lahet me gjak”, u gjet në parkimin e një qendre tregtare në La Favorita, në Mantova të Italisë.

Pikërisht në vendin ku u vra brutalisht 23-vjeçari shqiptar Atilio Ndreca, ndërsa 35-vjeçari italian Pierfrancesco Ferrari përfundoi në koma.

Të dy u sulmuan brutalisht me shkopinj bejsbolli e shufra hekuri. Ata u tërhoqën në një cep ku nuk kishte kamera, rreth orës 3 të natës, duke bërë që autorët e këtij sulmi brutal të enden të lirë.

Fotoja më lart u përcoll nga  La Repubblica, e cila shkruan se mesazhi që aludon për një hakmarrje të mundshme ndaj grupit që fshihet pas këtij krimi, i është dorëzuar karabinierëve që së bashku me prokurorinë po hetojnë ngjarjes.