LIGJET E BIZNESIT
Një studente 21-vjeçare synon të behet e para deputete shqiptare në Bundestagun Gjerman.
Ajo quhet Dafina Berisha dhe është nga Kosova.
Studentja e juridikut po garon në listën e Partisë Social Demokrate dhe premton të jetë zëri i të drejtave të shqiptarëve në parlamentin gjerman.
“Kemi 9 mijë shqiptarë që kanë të drejtë vote në Hamburg dhe prapë se prapë asnjë shqiptar nuk është pjesë e parlamentit gjerman. Unë dua të jem shqiptarja e parë në Bundestag për të promovuar edhe të drejtat e shqiptarëve në Bundestag, por edhe të të rinjve”, shprehet ajo raporton “Klan Kosova”.
Sjellim në vëmendje që në një intervistë në Info Magazine Berisha shpreh kritike për mosorganizimin e shqiptarëve në Gjermani edhe pse thotë se në numër janë rreth 400 mijë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Duhet të angazhohemi në politikë, në klube të sporteve, sepse vetëm kur jemi aktivë mund të ndryshojmë diçka. Të huajt e tjerë janë shumë më të organizuar sesa ne shqiptarët. Ka shumë shqiptarë inteligjentë, por duhet angazhuar më shumë në organizim”, thotë ajo. Në listën e SPD-së Berisha rezulton të jetë e nënta. Ajo ka deklaruar se pati mbështetjen e udhëheqësve të partisë për tu futur në garë dhe për të promovuar të drejtat e studentëve. “Nëna ime është infermiereve dhe kemi parë se sa keq janë kushtet, pak punëtorë dhe pagesa e vogla. Ne gjithashtu kemi synim rritjen e pagës minimale”, tha ajo.
