“Do përfundoni në borxhe” Artan Fuga lëshon paralajmërimin e frikshëm: Keni për të mbaruar

Akademiku i njohur Artan Fuga ka komentuar situatën shqetësuese të largimit të shqiptarëve nga vendi.

Me anë të një thirrjeje, ai i drejtohet bizneseve, duke theksuar se nëse njerëzit ikin, atëhere ata nuk kanë për kë ti ofrojnë shërbimet.

MESAZHI I PLOTE:

“Hap sa të duash agjenci sigurimesh, po nuk pati se kush të sigurohet, piji lëngun!

Hap sa të duash pika shërbimesh telekomunikacioni, po nuk pati kush të telefonojë kë, piji lëngun!

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Hap sa të duash degë të reja universitetesh, po nuk pati të rinj që të vijnë të mësojnë, pijini lëngun!

Prodho sa të duash karta dixhitale për televizion me abonim, po nuk pati të abonuar, pijini lëngun!

A e kuptoni o siguruesa, o telekomunikuese, o studjuesa, o shpërndarësa lidhjesh Interneti, a shitës programesh televizive se poqese nuk jeni patriotë, keni për të mbaruar si biznese?

Patriotizmi nuk është të bërtasësh “O sa mirë me qenë shqiptar!” pasi ke hedh dy dopje te dera e stadiumit a në pijetoren e lagjes! Nuk është të bësh shqiponjën me pëllëmbat e kthyera mbrapsht, patriotizmi është lufta për tregun kombëtar o biznesa!

Ndryshe do të përfundon në borxhe!”.