“Ditë e shënuar” Sot seanca e fundit, reagon Artan Fuga: Theu qafën Kuvendi i turpit

Ditën e sotme ka mbyllur punimet sesioni parlamentar.

Në lidhje me këtë ka reaguar dhe akademiku Artan Fuga.

Ky i fundit e cilëson legjislaturën e sapo përfunduar si “Kuvendi i turpit”.

“Sot ditë e shënuar! Mbylli punimet, theu qafën Kuvendi i turpit”, shprehet Fuga në një reagim të gjatë.

“Nuk ka logore që e lan turpin në ballin e këtij parlamenti që prodhoi ligjet më të këqija, antidemokratike dhe idiote në botë! Turpi është në ballë edhe te Komisioni i eduktimit, medias arsimit, për ata gjoja opozitarë dhe kooperativistë, infermiere që u marrin të keqen infermiereve, edukatore çerdhesh që u marrin të keqen edukatoreve, në thelb të pashkollë që u bënë vegla të antikulturës, antishkencës dhe mizerjes anti-intelektuale”, shton.

“Historia i nxorri me turp në breg të kënetës! Ik parlamenti i turpit ik! Të shpëtojë Shqipëria nga ty”, përfundon ai.

Përbërja e parlamentit ishte nga deputetë të Partisë Socialiste dhe ata që pranuan mandatet pasi opozita vendosi djegien e tyre. Shumica dërrmuese e deputeteve të rinj u pozicionuan krah qeverisë, madje disa syresh përfunduan edhe në listat e PS në zgjedhjet parlamentare të 25 Prillit.