“Detin e kemi parë vetëm në TV”/ Vuajtjet e bulqizakeve, mbajnë ushqimin e bagëtive në shpinë

Në temperatura të larta dhe duke mbajtur dhjetra kilogramë me bar për bagëtitë, kjo është rutina e përditshme e grave në fshatin Ostren të Bulqizës. Ndryshe nga gratë e qytetit, të pasurëve, apo politikanëve, që të nxehtin e përballojnë në det, këto gra janë të detyruara që të transportojnë ushqimin e kafshëve për dimër mbi kurriz.

Jashtë kameras, ato thonë se detin e kanë parë vetëm në televizor, ndërsa në momentin që shohin se po filmohen nisin të qeshin.

Kjo është vuajtja e tyre e përditshme, ku në verë mbajnë mbi kurriz bar e në dimër drutë e zjarrit. Varfëria ekstreme në këto fshatra të thellë, i detyron banorët të kenë edhe më tepër punë të lodhshme.