LIGJET E BIZNESIT
Një zjarr i madh raportohet se është aktivizuar në zonën e Radhimës në Vlorë.
Si pasojë e flakëve rrezikohen dhe bizneset e hotelet përreth.
Ndërkohë shërbimi zjarrfikës me 3 autobote dhe 15 punonjës po punon për shuarjen e zjarrit.
Në këto ditë kur temperaturat kanë qenë tepër të larta, janë shënuar vatra zjarri në zona të ndryshme. Një natë më parë u raportuar se zjarri me përmasa të mëdha përfshiu gadishullin e Karaburunit.
Flakët po përhapeshin me shpejtësi duke u ngjitur në Ravenë dhe mbi kishën e Marmiroit në Orikum. Terreni ishte shumë i rrezikshëm për të shkuar në vendngjarje ndërkohë që punonjës dhe specialistë të zonave të mbrojtura së bashku me prefektin e qarkut të Vlorës u nisën për të parë nga afër situatën, dhe njoftuan zjarrfikësit.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Situata ishte problematike pasi flakët e zjarrit të ndihmuara dhe nga era mund t’i afroheshin Parkut Kombëtar të Llogorasë.
