Burg për Fatos Tushen/ GJKKO jep masat e sigurisë dhe për të arrestuarit e tjerë në Lushnje (EMRAT)

Gjykata e Posaçme ka vendosur të lërë në fuqi masat e sigurisë për 11 personat e arrestuar për dosjen e Lushnjes.

Vendimi është dhënë pas një séance maratone ditën e sotme.

Kryebashkiaku i Lushnjes Fatos Tushe dhe 6 të arrestuarit e tjerë do të qendrojnë në qeli deeri në fund të hetimeve.

Me kërkesë të SPAK, Gjykata e Shkallës së Parë Kundër Korrupsionit dhe Krimin e Organizuar, ka caktuar masat e sigurimit arrest me burg për shtetasit: Fatos Tushe, Flamur Peqini, Ibrahim Lami, Bujar Murati, Gazmend Çela, Bektash Nexha, Blerta Turku.

Gjithashtu ka caktuar masat e sigurimit arrest shtëpie për shtetasit: Xhemal Hasko, Margarita Gjermëni, Andi Musho, Ani Simoni.

Në burg GJKKO ka lënë në burg:

Fatos Tushe, me detyrë Kryetar i Bashkisë Lushnjë

Flamur Peqini, me detyrë Drejtor i Ndërmarrjes së Pasurisë Publike në Bashkinë Lushnjë

Ibrahim Lami, administrator i kompanisë Loti shpk

Bujar Murati, administrator i kompanisë Euro Alb shpk

Gazmend Çela, zyrtar i Ndërmarrjes së Pasurisë Publike në Bashkinë e Lushnjës

Bektash Nexha zyrtar i Ndërmarrjes së Pasurisë Publike në Bashkinë e Lushnjës

Blerta Turku, zyrtare e Ndërmarrjes së Pasurisë Publike në Bashkinë e Lushnjës.

Në arrest shtëpie u lanë:

Margarita Gjermeni, zyrtare e Ndërmarrjes së Pasurisë Publike në Bashkinë e Lushnjës

Andri Musho, zyrtar i Ndërmarrjes së Pasurisë Publike në Bashkinë e Lushnjës

Ani Simoni, zyrtare e Ndërmarrjes së Pasurisë Publike në Bashkinë e Lushnjës

Xhemal Hasko, zyrtar i Ndërmarrjes së Pasurisë Publike në Bashkinë e Lushnjës.

Ndaj 11 të arrestuarve SPAK ka ngritur akuzat për shpërdorim detyre, falsifikim dokumentesh dhe shkelje të barazisë në tenderë.

Sipas SPAK, këta persona në bashkëpunim me njëri-tjetrin kanë favorizuar një kompani për rehabilitimin e nja kanali vaditës në Lushnjë me vlerë 24 milion lekë, duket se është dhe strumbullari i akuzave për kryebashkiakun Tushe.