Aksidenti që shoi familjen Gushi, shefi i policisë tregon detaje shokuese: E përfshirë edhe një makinë e tretë, frenoi 63 metra

Udhëtimi për të ardhur në Atdhe për të kaluar pushimet u kthye në tragjedi për familjen Gushi që ishin emigrantë në Greqi. Shpejtësia skëterre e mjetit “Audi A8” e drejtuar nga Igli Madani në autostradën Fier-Vlorë bëri që familja Gushi, dy prindërit dhe dy vajzat e mitura 14 dhe 9 vjeçare, ta kishin atë udhëtimin e tyre të fundi.

Shefi i Sigurisë Rrugore në Policinë e Shtetit, Skënder Ismaili, i ftuar në emisionin Repolitix në Report Tv ka dhënë të tjera detaje tronditëse për ngjarjen.

Ismaili foli për një makinë të tretë, një AUDI Q7, e cila edhe ajo ishte duke ecur me shpejtësi skëterrë, është parakaluar nga Madani, i cili më pas ka goditur nga mbrapa mjetin që po udhëtonte famija Gushi.

Ismaili thotë se 165 km në orë ishte shpejtësia mesatare e Igli Madanit nga rrethrrotullimi i Lushnjës deri në vendin e ngjarjes. E gjithë kjo distancë është përshkuar për 22 minuta. Gjurmët e frenimit të automjetit që shkaktoi aksidentin janë 63 metra./shqiptarja