“Vjeshta do të krijojë probleme”/ A do ketë valë tjetër të virusit? Skënder Brataj bën parashikimin

Kreu i Urgjencës Kombëtare Skënder Brataj thotë se transmetueshmëria e Covid ka rënë në nivele minimale, por nga ana tjetër po vihet re fenomeni se njerëzit paraqiten shumë vonë në spitale dhe në gjendje të rëndë shëndetësore.

Brataj thotë se vjeshta do të mbërrijë me një valë tjetër infektimesh, por nuk ka valë si vala e nëntorit-shkurt të vitit të kaluar.

“Nga 37 të sëmurë, 7 janë në terapi intensive që do të thotë se vijnë në forma të rënda në spital. Do të thotë që në banesa ka edhe të tjerë të sëmurë. Ne ketë momente nuk duhet ulur vigjilenca. Mënyra e transmetimit të virusit është më e ulët. Në 15 qershor hiqet kufizimi nga 10 persona në 50. Muzika live është shtuar dy orë nga ora 20-22. Këto janë aktivitetet që janë në vend të parë për sa i përket përhapjes së infeksionit. Janë të gjitha rreziqet e përhapjes së infeksioneve.

Vjeshta do të krijojë pak probleme, por nuk ka valë si vala e nëntorit-shkurt të vitit të kaluar. Deri në shtator do të ketë një numër më të lartë të personave të vaksinuar. Mua më gëzon fakti se nuk ka pasur humbje jetë për asnjë person që ka marrë dozën e vaksinës, apo forma të rënda. Ato që nuk e kanë kaluar virusin janë një pakicë”, u shpreh ai.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern