Video/ Situatë tejet e rëndë me plehrat në Durrës, dynden në trotuare, rrezik i lartë për shëndetin e qytetarëve 

Në të pestën ditë pa u pastruar plehrat në qytet, qytetarët në Durrësit rrezikojnë serjozisht përhapjen e sëmundjeve infektive. Situata është mjaft e rëndë, me plehrat të cilat po dekompozohen mbi trotuare dhe brenda kazanëve nën temperatura përvëluese.

Kazanët e mbeturinave janë tejmbushur, ndërsa apeli i qytetarëve është: Na hiqni plehrat, po mbytemi!

Qytetarë dhe turistë të shumtë janë dëshmitarë të pamjeve të shëmtuara të rrugëve të qytetit, ku grumbujt me mbeturina dergjen nëpër trotuare, pasi kazanët janë të tejmbushur.