U pikas pa maskë, autoritetet gjobisinin me 75 euro presidentin

Presidenti brazilian i së djathtës ekstreme Jair Bolsonaro është gjobitur me 75 euro nga autoritetet shëndetësore për mosmbajtjen e maskës në mabjente publike. Ai së bashku me disa ministra të kabinetit të tij janë gjobitur pasi nuk mbanin maskë gjatë një demonstrate me motoçikleta në Sao Paolo.

Të total ishin tri ministra dhe gjashtë deputetë të cilët u gjobitën me 75 euro secili nga autoritetet vendase. Presidenti po ashtu ka shkelur edhe kodin rrugor pasi nuk kishte vënë kaskë mbrojtëse.

Në disa prej pankartave që mbaheshin nga motoçiklistët kërkohej ndërhyrja e ushtrisë, gjë e cila cënon demokracinë dhe kushtetutën, shkruajnë mediat lokale.

Në një fjalim përpara rreth 12 mijë të pjesëmarrësve Bolsonaro tha se shifrat e fataliteteve të COVID-19 janë ekzagjeruar ndërsa doli kundër këshillave të mjekëve, duke thënë se ata që e kanë kaluar virusin dhe që janë të vaksinuar, nuk kanë nevojë të mbajnë maskë.