U gjet i pajetë në tokat e tij, Policia jep detaje: Dyshohet se 45-vjeçari është…

Në një njoftim zyrtar Policia jep detaje për 45-vjeçarin që u gjet i pajetë në Fier.

Viktima, Neritan Goga, është gjetur nga familjarët pa shenja jete në tokat e tij, në fshatin Sheqishte .

Dyshohet se 45-vjeçari është vetëhelmuar, ndërsa thuhet se në trupin e tij nuk janë konstatuar shenja dhune.

Njoftimi i policisë:

Sot rreth orës 18:40, në fshatin Sheqishte është gjetur nga familjarët pa shenja jete në tokat e tij, shtetasi N. G., 45 vjeç.

Nga hetimet paraprake dyshohet se ky shtetas është vetëhelmuar dhe nga këqyrja paraprake e trupit të 45-vjeçarit, nuk janë konstatuar shenja dhune.

Në vendngjarje ndodhet grupi hetimor dhe po punon për zbardhjen e shkakut të vdekjes.