Të shtëna pas mesnatës në Tiranë, plagoset 34-vjeçari, në pranga një nga autorët

Pak pas mesnatës së kaluar në një lokal pranë rrugës “Xhanfize Keko” në Tiranë janë regjistruar të shtëna me armë ku si pasojë ka mbetur i plagosur 34 vjeçari Ergin Gjoni.

Policia ka identifikuar dhe ka vënë në pranga njërin nga autorët e dyshuar, Klajdi Shanaj 33 vjeç dhe u shpall në kërkim vëllai i tij Ramandi Shanaj 25 vjeç, pasi gjatë konfliktit kanë plagosur 34 vjeçarin.

Gjithashtu u shpall në kërkim shtetasi Valter Pershpalaj për veprat penale “Moskallzim krimi” dhe “Plagosje e lehtë” i cili ishte palë me personin e plagosur.

Sipas njoftimit të policisë 2 vëllezërit në bashkëpunim me njëri-tjetrin, mbremë rreth orës 23:45, pas një konflikti të çastit për motive të dobëta, në rrugën “Karaman Ylli” e kanë plagosur Ergin Gjonin me armë zjarri në këmbë. Ky i fundit ndodhet nën kujdesin e mjekëve, jashtë rrezikut për jetën.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern