Shkarkimi i kryetarit të Bashkisë së Vaut të Dejës, Gjykata Kushtetuese rrëzon vendimin e Qeverisë

Gjykata Kushtetuese ka rrëzuar vendimin e Qeverisë për shkarkimin e kryetarit të Bashkisë së Vaut të Dejës, Zef Hila.

Kujtojmë se në vitin 2019 Zef Hila u shkarkua pas djegies së KZAZ-së në Bushat.

Asokohe, Hila u paraqit dhe në Polici duke shprehur se nuk ka pasur dijeni për çfarë do të ndodhte në KZAZ-në e Vaut të Dejës.

Por tashmë sipas vendimit të Kushtetueses, “është shkelur e drejta e Zef Hilës për t’u njoftuar dhe për t’u dëgjuar”.

Më pas, ishte kryeministri Edi Rama i cili firmosi shkarkimin e tij, ndërsa paralajmëroi të njëjtin fat për këdo që sipas tij “do të përpiqej të pengonte zgjedhjet”.