Shumë anëtarë të Partisë Demokratike kanë denoncuar se nuk e kanë gjetur emrin në listat e votuesve.
Një incident në lidhje me këto raste është regjistruar në qytetin e Maliqit.
Në një video e cila po qarkullon në rrjetet sociale, pretendohet se një anëtar i PD-së, në lidhje me heqjen e emrit të tij nga lista e votuesve ka bërë përgjegjës sekretarin organizativ të degës, duke u konfliktuar fizikisht me këtë të fundit.
Ai e godet atë me grusht dhe e ofendon me fjalor banal, ndërsa janë të pranishëmit aty që i ndajnë që sherri të mos degradojë më keq.
Deri në orën 16:00, sipas kreut të Komisionit Zgjedhor në Partinë Demokratike, Jemin Gjana, kishin votuar 33 mijë e 47 demokratë, ose 44% e anëtarësisë së PD-së.
Në garë janë 4 kandidatët: Lulzim Basha, Agron Shehaj, Edith Harxhi dhe Fatbardh Kadilli.





