Rama takim “online” me të rinjtë: Sa më shumë ju dëgjoj, aq më shumë bindem të…

“Gati për Shqipërinë”, është njëra nga nismat e ndërmarra nga qeveria, pas sigurimit të mandatit të tretë të kryeministrit Edi Rama.

Ky i fundit, ka mirëpritur këtë të shtunë të rinjtë e parë, profesionistë, të diplomuar në fusha të ndryshme si brenda e jashtë shtetit, dhe që duan të kontribuojnë në projekte në të mirën e vendit.

Kryeministri, dëgjoi me vëmendje të gjithë të rinjtë, të cilët shpalosnin idenë dhe vizionin e tyre. Kreu i qeverisë e cilësoi laborimin e konceptit të nëpunësit digjital një revolucion, jo vetëm për vendin, por edhe më gjerë, duke krijuar në këtë mënyrë një administratë hibride.

“Sa më shumë ju dëgjoj, aq më shumë bindem të laborojmë konceptin nëpunësin digjital.

Do të bëjmë një revolucion, jo vetëm në Shqipëri, por edhe më gjerë, duke krijuar një administratë hibride. Nëse do të vish në Shqipëri, hajde nesër, do të fusim në shërbim. Nëse do të bëjmë gjysmën e këtyre që folëm sot do të ishte një fitore e madhe”, tha Rama