Rama hap sot dyert e teatrit ‘Petro Marko’ , “të mbyllura” nga Dritan Leli

Dyert të cilat prej ditësh Dritan Leli i ‘mban mbyllur’, kryeministri Edi Rama do t’i hapë sot me zhvillimin e mbledhjes me strukturat e PS së Vlorës.

Bëhet fjalë për teatrin ‘Petro Marko’ , që prej javësh është kthyer në ‘mollë sherri’, mes kryebashkiakut Leli dhe këshillit bashkiak të Vlorës, pasi këto të fundit kërkojnë mbledhje fizike aty, ndërsa Leli nuk e lejon këtë gjë me arsyetimin e pandeminë.

Është e ditur tashmë se marrëdhëniet mes kryeministrit Edi Rama dhe kryebashkiakut të Vlorës Dritan Leli nuk janë aspak të mira, pasi ky i fundit nuk pranoi të kandidonte për deputet në zgjedhjet e 25 prillit.

Rama prej dy ditësh ndodhet në Vlorë ku ka inspektuar punimet që po bëhen në këtë qytet, por ajo që ka rënë në sy është se ka shmangur takimet e tij me kryebashkiakun Dritan Leli.

Ndërkohë të pranishëm në mbledhjen e sotme do të jenë deputetët aktualë, deputetët e sapozgjedhur dhe të gjithë këshilltarët e bashkisë Vlorë si dhe kryesia e PS dhe kryetarët e PS në njësitë administrative të bashkisë