Puthje dhe përkëdhelje, skandali i të parit të shëndetësisë britanike/ Dalin foto të tjera nga darka intime me milioneren, nënë e tre fëmijëve

Videoja ku shihet zyrtari më i lartë i shëndetësisë, Matt Hancock duke u puthur në ambientet e ministrisë me këshilltaren e tij, Gina Coladangelo, po bëjnë xhiron në mediat ndërkombëtare nga dje, ndërkohë që sot janë publikuar të tjera foto të ‘çiftit’.

Ditën e sotme, Tabloidi ‘The Sun’,  ka publikuar të tjera foto, ku dyshja shihen tepër të afërt teksa darkojnë së bashku: të buzëqeshur dhe të lumtur, fotot e darkës intime janë shkrepur dy javë pas puthjeve të tyre ‘të zjarrta’ në zyrat e Ministrisë së Shëndetësisë.

Burime për ‘The Sun’ thanë se çifti po flirtonin me njëri tjetrin gjatë gjithë kohës dhe konsumuan disa gota verë, njëra pas tjetrës.

Zonja Coladangelo është nënë e tre fëmijëve dhe njëkohësisht punon si drejtore e komunikimit në kompaninë Oliver Bonas themeluar prej bashkëshortit Oliver Tress.

Njëkohësisht ajo është edhe aksionere kryesore në kompaninë e lobimit Luther Pendragon, ku u ofrohet klientëve lobim dhe këshillim si të kuptojnë mekanizmat qeverisës.