Pamje të rënda/ Në sy të fëmijëve të mitur, ja momenti kur Edison Begaj plagoset në Vlorë (VIDEO)

Dalin  pamjet e rënda nga  momenti i plagosjes  së  Edison Begajt në  Vlorë.

E gjithë skena ka  ndodhur  në sy të fëmijëve  të tij të mitur, të cilët kanë  qenë  brenda  në makinë.

Begaj  fillimisht ka ndalur  makinën  në  derën e shtëpisë ku banonte ku kishte  dhe  kamera sigurie  dhe  më pas ka  dalë prej aty me  celular në dorë, teksa fëmijët ndodheshin  ende në automjet.

Në  momentin që ai i drejtohet sërish  makinës, autori  i  del përpara me  maskë dhe uniformë policie  dhe e qëllon disa herë.

Edhe pse kanë kaluar tashmë 5 ditë nga  ngjarja,  policia e Vlorës  nuk  ka  asnjë të ndaluar për  atentatin.

Begaj ndodhet jashtë rrezikut  për jetën, pasi  plagët i  ka  marrë  në  pjesën e  poshtme të trupit.

Edison Begaj është një emër i skeduar nga policia e Vlorës edhe më herët, si i përfshirë në trafikun e lëndëve narkotike. Kjo sipas policisë ngre edhe pista e hetimit për ngjarjen e mbrëmjes së kaluar, prishje pazaresh apo konflikt i mbartur.

Më 20 shkurt të vitit 2008, policia e Vlorës përfundoi operacionin e koduar “Qiriu i ndezur”, i cili i dha fund veprimtarisë 10-vjeçare kriminale të një bande e cila trafikonte drejt Italisë drogë dhe armë. Aksioni i shtrirë në Vlorë, Fier, Kavajë dhe Lushnjë çoi në pranga shtatë persona, mes tyre edhe Edison Begajn, banues në Vlorë.