Nga 17°C deri në 41°C/ Parashikimi i motit për ditën e sotme, e premte 25 qershor 2021

Sipas MeteoAlb: Vendi ynë mbetet  në dominimin e masave ajrore nga Veriu i kontinentit Afrikan, të cilat do të sjellin mot të kthjellët në pjesën më të madhe të territorit shqiptar ndërsa orët e mbrëmjes sjellin vranësira të pakta dhe të përkoheshme në zonat malore.

Temperaturat e ajrit do të ulen në mëngjes por mbeten kostante në mesditë duke luhatur vlerat ditore nga 17°C deri në 41°C.

Era do të fryjë mesatare dhe e fortë me shpejtësi 40 – 45 km/h nga drejtimi Perëndimor – Veriperëndimor duke krijuar në det dallgëzim 4 ballë.