Kishte shenjestër qenin, gruaja qëllon djalin aksidentalisht me pistoletë 

Një ngjarje e rëndë është shënuar në Hjuston të Shteteve të Bashkuara të Amerikës. Një nënë ka qëlluar aksidentalisht djalin e saj 5-vjeçar, teksa po tentonte të qëllonte mbi një qen i cili  kishte humbur dhe sorollatej nëpër lagjen e tyre.

Policët vunë re se djali ishte qëlluar me një plumb në bark, pasi kishte bërë rikoshet. Nëna, Angelia Mia Vargas, 24 vjeçe, akuzohet për pakujdesi dhe armëmbajtje pa leje.

Ngjarja e rëndë është filmuar edhe ng akamerat e sigurisë.

Në njofimin e policisë, thuhet se nëna ka qëlluar me tre plumba.

Mediat e huaja shkruajnë se djali pasi ka marrë ndihmë mjekësore, ndodhet në gjendje të stabilizuar.

Edhe qeni po ashtu mori lëndime të lehta. Në videon e mëposhtme shihet pronari i qenit duke vrapuar pas qenit dhe duke e thirrur: “Bruno eja këtu”.