LIGJET E BIZNESIT
Ish-drejtori i RTSH, Thoma Gëllçi ka reaguar në lidhje me zërat se ai ka kërcënuar komentatorin Kosta Grillo.
Nëpërmjet një postimi në rrjete sociale, Gëllçi shkruan se ka qenë Grillo ai i cili ka dërguar disa fyerje dhe ofendime në adresën e tij personale dhe ky ka qenë kontakti i vetëm që ai ka pasur me të. Sipas Gëllçit, ai i ka shpërfillur këto mesazhe nga Grillo dhe në fund shton se i uron atij vetëm shëndet.
Po ashtu, një numër jo i pakët kometuesish të cilët e njohin atë nga afër shprehin mbështetjen ndaj tij duke thënë se ai nuk do e bënte kurrë diçka të tillë.
“Prej këtu ku jam në Michigan të Shteteve të Bashkuara të Amerikës, lexova në gazetat dhe portalet shqiptare online se unë paskam kërcënuar me jetë Kosta Grillon dhe ky i fundit ka bërë kallëzim në polici.
U them shokëve dhe miqve dhe kujdo tjetri, se, se me perjashtim të disa sharjeve dhe fyerjeve që ai ka dërguar me sms ne adresën time, ( të cilat i kam shpërfillur) as kam ndonjë lidhje me Kosta Grillon, as me ndonjë “kërcënim” ndaj tij. Thotë që e kam hequr nga puna në RTSH , por asnjehere nuk ka punuar aty. As kam lexuar ndonjë shkrim të Kosta Grillos ndaj meje dhe as e di se me se merret ky person në jetën e vet. Për problemet që ai mund të ketë , qoftë për mbrojtjen e jetës, apo qoftë për kërkesën e tij për azil, unë as e ndihmoj dhe as e dëmtoj dot. Kostës i uroj shëndet dhe u faleminderit të gjithëve për mirëkuptimin.”, shkruan Gëllçi.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Një ditë më parë, burime për Fjala.al bënë me dije se Grillo ka bërë një denoncim zyrtar në policinë e shtetit (oficeres së policisë z.Zhuliana Bregu) ndaj Thoma Gëllcit dhe rrethit të tij për shkak se ka marrë një telefonatë kërcenuese duke iu kërkuar që të mos publikojë më shkrime dhe fakte ndaj ish-drejtorit të RTSH-së.
