Kapet jahti me 2.5 tonë dr ogë, arrestohet shqiptari që bëri kërdinë

Policia në Spanjë ka sekuestruar 2.5 tonë lëndë narkotike në një jaht, në Alicante. Për ngjarjen janë arrestuar dhe tre persona të dyshuar.

Hetimet filluan në momentin që lindën dyshimet se jahti mund të ketë marrë lëndë narkotike në det. Mbi 2.400 kg hashash u gjetën të fshehura midis 50 fuçive plastike me naftë, secili me një kapacitet prej 50 litrash. Pjesa tjetër e lëndës narkotike ishte e  paketuar në thasë.

Guardia Civil thotë se ekzistonte një rrjet kriminal, i cili i kushtohej trafikut të drogës në Alicante dhe Murcia. Gjashtë nga anëtarët e dyshuar të organizatës u arrestuan në datën 13 maj, një shqiptar dhe pesë spanjollë të moshës midis 25 dhe 69 vjeç.

Duke pasur parasysh historinë e disa prej anëtarëve, ata janë një organizatë e cila konsiderohet e rrezikshme. Disa nga anëtarët kanë të dhëna të shumëfishta për trafikun e drogës dhe njëri prej tyre ka kryer një vrasje, në vitin 2007, në Spanjë.

Mediat e huaja shkruajnë se tre nga anëtarët, përfshirë kreun e organizatës, janë dënuar me burg ndërsa tre të tjerët po hetohen në gjendje të lirë.