“E kam të plotë” Artan Hoxha zbulon raportin që duhet të shkaktonte “tërmet” në mediat shqiptare

Pas rihapjes së dosjes së “21 Janarit” , ka reaguar dhe gazetari investigativ Artan Hoxha.

Ky i fundit e ka cilësuar këtë proces si një shans të ri për drejtësinë.

Hoxha zbulon se partnerët ndërkombëtarë kanë studiuar dhe analizuar ngjarjen, ku mbetën të vrarë 4 protestues.

Ai tha se Shërbimi i Kontrollit të Brendshëm ka bërë një raport dhe ka nxjerrë të gjitha defektet e policisë në atë kohë.

Sipas tij, këtij raporti nuk i është kushtuar shumë rëndësi dhe vëmendje nga mediat.

“Është një ngjarje që është studiuar dhe analizuar jo vetëm nga ne por edhe nga partnerët tanë dhe Shërbimi i Kontrollit të Brendshëm në Ministrinë e Brendshme që varej nga Lulzim Basha në atë kohë, Shërbimi i kontrollit të Brendshëm ka nxjerrë të gjitha defektet e policisë atëherë. Unë e kam të plotë raportin. Më vjen keq që nuk u bë shumë zhurmë për atë, por raporti dëshmonte se ku ishin pikat e dobëta”, tha Hoxha për ABC.