E frikshme/ Autoritetet ngrenë alarmin, konfirmohet rasti i parë i variantit indian të virusit, shumë afër Shqipërisë

Konfirmohet rasti i parë me variantin Indian të k oronavirusit në Maqedoni.

Mediat vendase bëjnë me dije se lajmin e dha ministri i Shëndetësisë Venko Filipçe.

Sipas tij, pacienti ishte shtruar në një spital privat.

“Sipas anketës epidemiologjike të cilën e ka bërë spitali, pacienti është kthyer nga Iraku, ku më parë 10 ditë ka qenë i hospitalizuar. Kur është kthyer në vend, menjëherë me makinë të ndihmës së shpejtë është dërguar në spital. Gjendja e pacientit është stabile dhe nuk ka ndonjë shenjë për rrezik”, ka thënë Filipçe.

Më tej ai deklaroi se do të propozojë deri te Shtabi i Përgjithshëm i Krizës që masat aktuale dhe ora policore të mbesin në fuqi deri më 15 qershor në tërë vendin.

Që prej fillimit të pandemisë deri më tani në Maqedoninë e Veriut janë konfirmuar 155,417 raste të reja dhe 5,455 viktima nga C ovid-19.