“Do bashkëpunoj me shumicën e re” Deklarata e papritur e Metës: Nuk kam asnjë shqetësim nga akti i dëshpëruar i parlamentit

Votimin e ditës së mërkurë për shkarkimin e tij, presidenti Ilir Meta e ka konsideruar si një akt dëshpërues të parlamentit.

Gjatë konferencës së sotme, Kreu i Shtetit deklaroi gjithashtu se do të bashkëpunojë me shumicën dhe opozitën e re, në respekt të Kushtetutës.

“Nuk kam asnjë shqetësim nga akti i dëshpëruar i Parlamentit të shkarkuar në 25 prill. Unë pres me shumë qetësi dhe durim, përfundim të procesit të ankimimve, dhe të bashkëpunoj me shumicën e re kushdo që të jetë dhe opozitën e re, në Parlamentin e ri, në respekt të Kushtetutës, në procesin e integrimit europian dhe rivendosjes së sistemit të llogaridhënies hap pas hapi në të gjitha nivelet”, u shpreh Meta.

Po ashtu presidenti e ka konsideruar votimin “një shfaqe të qartë për te hequr vëmendjen nga hetimi i krimit zgjedhor dhe zbardhja e tyre dhe për ta spostuar te fajtorët që nuk ekzistojnë”.