Del në “pension” miu hero i cili shpëtoi qindra jetë njerëzish, ka marrë medalje për trimëri

Ka marrë shumë medalje të arta për trimëri dhe vlerësime nga më të ndryshmet për punën e tij. Tashmë mund të dalë i qetë në pension.

Po flasim për Magaëa, një mi i cili ka punuar si zbulues minash dhe i cili gjatë karrierës ka gjetur plot 71 mina dhe 28 municione të pashpërthyera në Kamboxhia.

Falë nuhatjes së tij, ky mi është konsideruar si hero, pasi ka pastruar rreth 141 000 metra katrorë tokë nga minat përgjatë 5 viteve.

Personi që e rriti atë tha se Magaëa, si pasojë e moshës ishte bërë më i ngathët.

“Duhet të respektojmë nevojat e tij. Ka ardhur momenti që të tërhiqet. Por, Magaëa do të qëndrojë edhe për pak kohë në Tanzani, pasi do të jetë “mentor” i minjve të rinj që do të stërviten për të gjetur minat në Kamboxhia”, – tha ai. 

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Malen shtoi më tej duke thënë për BBC se:

“Performanca e tij ka qenë fantastike dhe unë jam krenar që kam punuar me të. Ai është i vogël, por ka shpëtuar shumë jetë njerëzish, duke kthyer të pastër tokën te njerëzit”.