Aksident në Tiranë/ Po bënte manovra me makinën, 29-vjeçari i merr jetën kalimtarit

Një tjetër aksident tragjik ka ndodhur sot në Tiranë.

Mësohet se mjeti gurgon me drejtues shtetasin R.O., 29 vjeç, duke kryer një manovër kthimi pas, ka aksidentuar një shtetas ende të paidentifikuar rreth 80 vjeç.

Ngjarja u shënua pranë fakultetit të Inxhinierisë së Ndërtimit.

“Rreth orës 13:00, në rrugën ‘Artan Lenja’ në një lulishte, gjatë shkarkimit të disa produkteve ushqimore në një dyqan, mjeti fugon me drejtues shtetasin R.O., 29 vjeç, duke kryer një manovër kthimi pas, ka aksidentuar një shtetas ende të paidentifikuar rreth 80 vjeç”, bëri me dije policia.

Ky i fundit ka ndërruar jetë në vendngjarje.

Grupi hetimor ka shkuar në vendngjarje dhe po punon për sqarimin e plotë e rrethanave të aksidentit, shtuan të njëjtat burime.