Agron Shehaj bisedë me Yuri Kim pak ditë para zgjedhjeve: PD dhe SHBA do të forcojnë lidhjet më shumë në të ardhmen

Kandidati për kryetar i Partisë Demokratike, Agron Shehaj njofton se ka biseduar sot me ambasadoren amerikane Yuri Kim.

Ai thotë se SHBA kanë qenë në krah të PD-së që në ditët e para të lindjes së saj dhe mbështetën fuqimisht ardhjen e saj në pushtet në vitin 1992.

‘Sot paradite, me ftese te saj, bisedova me Ambasadoren Amerikane Yuri Kim. Shtetet e Bashkuara të Amerikës kanë qenë në krah të PD-së që në ditët e para të lindjes së saj dhe mbështetën fuqimisht ardhjen e saj në pushtet në vitin 1992. Që atëherë, në çdo arritje të PD-së në politikë dhe qeverisje, ka qenë edhe ndihma e SHBA-ve. Kjo lidhje, mbështetur në vlerat e lirisë dhe demokracisë, do të forcohet edhe më shumë në ta ardhmen.’- shkruan Shehaj.