LIGJET E BIZNESIT
Detaje të reja dalin në dritë nga vrasja e 20-vjeçares britanike në shtetin fqinj, Greqi. Policët janë duke hetuar nëse grabitësit e kanë vrarë sepse dyshonin se brenda në shtëpi gjendej një shumë parash prej 100.000 euro që do të blihej një tokë.
Bashkëshorti i 20-vjeçares i ka treguar policisë skemën se si grabitësit kanë hyrë në shtëpi ndërkohë që ky po flinte pranë gruas.
Ai tregoi mënyrën se si i drejtoi kriminelët drejt shumës prej 10.000 euro kur ata e kërcënuan se do t’i vrisnin vajzën e vogël Lydia.
Grabitësit mendonin se babai kishte paratë pasi do të blinte një tokë aty pranë ku çifti i ri do të ndërtonte shtëpinë.
Grabitësi i tretë bërtiti; ‘Ku janë paratë’, i tha Babis, policisë. Banda kriminale kaloi rreth një orë në kërkim të më shumë parave, pasi ata besuan se Babis dhe Caroline po i mbanin të fshehtë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Çifti po planifikonte ndërtimin e shtëpisë së tyre të ëndrrave në një tokë në Drafi, në periferi të Athinës, rreth 20 minuta larg.
Caroline po ashtu dëshironte të krijonte një vend për macet.
Detektivët po hetojnë në qoftë se kriminelët zbuluan se Babis kishte tërhequr 100,000 Euro nga banka për të bërë këtë blerje dhe besuan se paratë ishin në shtëpi.
Mirëpo, banda nuk e dinte që shitja kishte shkuar përpara dhe paratë tashmë kishin ndryshuar pronar.
