“U tregua burrë” Eni Çobani tregon të pathënat për Fatos Nanon: E pranoi publikisht

Avokatja e njohur Eni Çobani ka folur rreth trajtimit të martesave së suksesshme dhe atyre të dështuara në mediat publike.

E ftuar në programin “Dita e 8” , gjatë intervistës ajo ka treguar më shumë dhe për jetën e saj private si dhe marrëdhenien me bashkëshortin.

Çobani tregoi se shumica nga çiftet e njohura e kanë shumë të vështirë ta pranojnë publikisht dështimin në martesën e tyre, por veçoi rastin e ish-kryeministrit Fatos Nano, i cili e pranoi menjëherë sapo u pyet për ndarjen nga bashkëshortja e tij.

“Ju kam kërkuar moderatorëve të bëjnë përballje mes personazheve që kanë një martesë dhe familje të lumtur dhe personazheve që martesa e tyre ka marrë fund dhe askush nuk ka pranuar. I pari personazh dhe i vetmi është Fatos Nano, i cili kur është pyetur për bashkëshorten e tij, ka thënë se gjithçka ka marrë fund dhe se ai dështoi.

Të gjithë e paragjykuan pas kësaj, ndërsa për mua u tregua burrë që arriti ta thoshte publikisht dhe nuk vazhdoi të lëndonte gruan e tij, ndërkohë që kishte një lidhje tjetër. Sot ai vazhdon i lumtur me gruan që ka në krah”, u shpreh avokatja.

Më tej, Çobani ka ndarë edhe disa detaje lidhur me martesën e saj me bashkëshortin prej 25 vitesh, duke e konsideruar si një shembull shumë të mirë.

“Martesa ime është etalon i një martese të lumtur. Gjithmonë kur jap këshilla, marr martesën time si shembull, pasi 25 vite nuk janë pak”, tha ajo.