U kap me 1 kg kok ainë, ja si u justifikua efektivi i forcave RENEA

Efektivi i RENEA-s, Xhuljo Liçi, i cili u arrestua para pak ditësh në flagrancë së bashku me 2 persona të tjerë me 1 kilogram kokainë, ka deklaruar në polici se nuk kishte aspak dijeni për drogën.

Në dëshminë e tij, ai u shpreh se e kishte marrë rastësisht Ded Nimanin gjatë rrugës nga Fieri për në Tiranë, dhe ky i fundit kishte një pako të cilën e futi në bagazh.

“Unë jam polic në Fier dhe po udhëtoja nga ky qytet drejt Tiranës . Përgjithësisht rrugës së kthimit marr njerëz. Në zonën e plepave një person ngriti dorën dhe unë e mora në makinë. Me vete kishte një pako që e vendosi në bagazh”, u shpreh Liçi para hetuesve.

Edhe Luan Gaci, personi i tretë i arrestuar, ka deklaruar në polici se ka shërbyer vetëm si taksi për Ded Nimanin dhe të njëjtën gjë po bënte edhe atë ditë, e për këtë arsye ka mohuar çdo lidhje të tij me pakon e drogës.