U gjet e pajetë me mbishkrime në trup/ Dalin detajet për 22 vjeçaren, ja dëshmia e dajës për besimet fetare

Vijojnë të dalin detaje të reja nga vdekja e 22 vjeçares Evgjeni Baxho.

Kjo e fundit u gjet e pajetë në banesën e marrë me qira në Tiranë.

Vajza ishte rritur në Delvinë dhe jetonte me gjyshërit.

Prindërit e saj ishin të ndarë dhe nuk e takonin prej 13 vitesh, ndërsa ajo ndodhej në kryeqytet për studime.

Shkaku i vdekjes së studentes 22 vjeçare si fillim u dyshua të ishte një infeksion i marrë në dhëmballë. Por më pas kanë dalë edhe detaje të tjera. Ditën e djeshme u bënë publike detaje ku thuhej se në trupin e viktimës ishin gjetur mbishkrime të çuditshme.

Ndërkohë sot kanë dalë informacione të reja lidhur me vdekjen e 22 vjeçares, ku është mësuar se pak ditë më parë se të ndërronte jetë, ishte prekur me Covid-19.

Përsa i përket vdekjes së vajzës ka folur edhe daja i saj i cili tha se ajo nuk ishte besimtare nuk kishte shkuar në kishë apo xhami, kështu që nuk dinte asgjë për shkrimet e gjetura në trupin e saj, për to ishte informuar nga mediat.

“Me Evgjenin flisja shpesh në telefon nuk me kishte shprehur asnjë shqetësim. Sipas tij nuk ishte besimtare, nuk ka shkuar kurrë në kishe apo xhami. Për shkrimet në trupin e mbesës kam dëgjuar nga mediat”, ka thënë ai.