“Trupat u sharruan dhe u futën në 4 valixhe”/ Akuzohet se urdhëroi vrasjen e prindërve, ja ç’po ndodh me djalin

Taulant Pasho, djali i çiftit shqiptar, trupat e të cilëve u gjetën në 4 valixhe në Firence të Italisë, është ekstraduar nga Zvicra për në Itali.

Bëhet me dije se 33-vjeçari ndodhej në burg pasi ishte dënuar me 3 vite e 4 muaj për trafikim të lëndëve narkotike.

Me ekstradimin e tij, hetuesit e çështjes do të mundësojnë marrjen në pyetje të djalit, i cili dyshohet se mund të ketë gisht në vrasjen e prindërve të tij.

Teuta dhe Shpëtim Pasho u zhdukën në datën 1 nëntor 2015 ndërsa u gjetën në 15 dhjetor të vitit 2020.

Në lidhje me ngjarjen makabre është arrestuar ish-e dashura e djalit të viktimave, Elona Kalesha. Kjo e fundit e ka mohuar krimin. Krimi merr përmasa akoma edhe më të rënda, pasi janë vrarë, trupat e tyre janë prerë me sharrë elektrike, dhe janë futur në 4 valixhe.