“Të rishikohen masat” Pipero jep lajmin e mirë dhe ka një thirrje për Komitetin Teknik

Mjeku i njohur infeksionist Pëllumb Pipero ka dhënë sot një lajm të mirë.

Sipas tij numri i të shtruarve në spitalin C OVID1, është ulur në krahasim me muajt e mëparshëm, ku aktualisht po marrin trajtim 33 pacientë.

Pipero shtoi se në këtë spital fatmirësisht nuk ka asnjë person të intubuar dhe apeloi për lirimin e masave kufizuese nga Komiteti Teknik i Ekspertëve.

“Situata është mjaft e qetë, incidenca ditore e rasteve të reja të infektuara është mjaft i ulët, numri është i ulët, numri i të shëruarve është mjaft i madh. Raporti është të infektuar dhe të shëruar 1 me 20 ose me 30. Numri i të shtruarve në spital, prej ditësh neve kemi 1 ose asnjë rast në ditë. Në Covid 1 kemi të shtruar rreth 33 pacientë, nuk kemi të intubuar.

Jemi në kohën e duhur për të rishikuar masat, Komiteti i Ekspertëve besoj se e ka në konsideratë numrin e rasteve të infektuara në ditë, numrin e rasteve të shëruara, numrin e rasteve që vaksinohen çdo ditë, mundësinë e ekspozimit që është shumë e ulët, që kështu në këtë aspekt mendoj që ka ardhur koha se disa nga masat mbrojtëse duhet të rishikohen”, është shprehur mjeku infeksionist”, u shpreh mjeku Pëllumb Pipero.