LIGJET E BIZNESIT
Kryeministri Edi Rama ka bërë me dije rritjen e pagave për infermierët. SIpas tij, pagat e tyre do të rriten me 40% gjatë mandatit të tretë.
Në Ditën Botërore të Infermierëve, Kryeministri Edi Rama u shpreh se askush nuk kërcënohet me vendin e punës për bindjet e tij politike dhe se rritja e pagës së infermierëve e mjekëve do të vijojë.
“Kjo është dita edhe për të thënë se ne nuk do t’ia kishim dalë dot, nëse nuk do të kishim investuar me të gjitha forcat, për ta ngritur në një nivel tjetër sistemin tonë shëndetësor, spitalet dhe pagat e mjekëve dhe infermierëve. Kështu u kemi krijuar mjekëve dhe infermierëve kushte të mira pune, si dhe sigurinë e vendit të punës, duke e marrë dhe duke e mbajtur sipas meritës dhe të drejtës. Asnjë individ nuk kërcënohet me vendin e punës për bindjet e veta politike. Rritja e pagës së infermierëve dhe mjekëve ka qenë e konsiderueshme, por e pamjaftueshme. Prandaj ne angazhohemi që do ta rrisim pagën e tyre me 40% akoma”,- u shpreh Rama gjatë takimit me infermierët, në Ditën Botërore të Infermierëve.
Ai u shpreh se punonjësit shëndetësor, të cilët fusin duart në xhepat e shqiptarëve, nuk përfaqësojnë armatën e madhe të infermierëve, që janë sipas tij të nderuar në atë çka bëjnë.
“Jam i keqardhur që sa herë ndodh në mjedisin publik, dalin pamjet e një ane të errët, neveritshme, të gjithë kësaj përpjekje, për shkak të individëve të caktuar që nuk janë në lartësinë e këtij misioni e nuk meritojnë të jenë në mesin e qytetarëve të lirë. Unë e di shumë mirë, ne e dimë, që individë të atillë nuk janë përfaqësuesit e armatës suaj. Ne e dimë shumë mirë që shumica dërrmuese e infermierëve dhe infermierëve të Shqipërisë janë heronj, e jo njerëz të ulët që fusin duart në xhepat e familjarëve për të bërë detyrën në raport me pacientët.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Përfitoj nga rasti që ju kam përballë ju, nëpërmjet jush dhe kolegët tuaj, për t’iu thënë që nuk duhet të ligështoheni nga balta që e merrni të gjithë bashkë. Mos humbni sensin e punës së jashtëzakonshme që jeni duke bërë, mos harroni për asnjë sekondë dhe duhet të jeni krenarë, ku dilni nga shtëpia për të shkuar në punë, e iu bie për t’u kthyer në shtëpi. Sepse ajo që po bëni për popullin shqiptarë është historike”, u shpreh kryeministri Rama.
