Plas sherri/ “Je anti-amerikan, trego të vërtetën” Gazetari përplaset me Alfred Pezën: I them gjërat në sy, nuk jam servil

Mbrëmjen e djeshme një debat i fortë ka ndodhur mes gazetarit Fitim Zekthi dhe sekretarit të PS për mediat Alfred Peza.

I ftuar në “Open” Zeka u shpreh se jo domosdoshmërisht SHBA duhet të ketë gjithnjë të drejtë vetëm se është më e fortë, duke e gjykuar kështu si jo të duhur vendimin e DASH.

Por pas një ndërhyrje të Pezës, Zekthi tha se ka qenë gjithmonë i drejtpërdrejtë, jo si panelisti tjetër, të cilin e quajti servil.

Menjëherë  Alfred Peza i kërkoi analistit që të mos e etiketonte duke i vënë në dukje qendrimet e tij anti-amerikane.

PJESE NGA BISEDA:

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Zekthi: Unë nuk jam askush të kritikoj SHBA, por mendimin tim do e jap. Pse vjen ky vendim tani për Berishën kur ka 8 vite pa pushtet. Nuk mendoj që Berisha mishëron korrupsionin në Shqipëri. Ka të tjerë para Berishës që meritojnë të shpallen “non-grata”. Unë i them gjërat troç në sy se jam dhe kam qenë gjithmonë njeri i pastër dhe i ndershëm. Jo si Peza këtu që nuk ka guxim t’i thotë gjërat troç.

Peza: Trego të vërtetën tënde na lër ne…

Zekthi: Unë s’kam qenë as komunist asgjë as servil nuk kam qenë ndonjëherë.

Peza: Shumë mirë trego të vërtetën tënde na lërë ne mos u merr me ne vazhdo me të drejtën tënde anti-amerikane.

Zekthi: Unë mendoj që është vendim i padrejtë. Nuk mendoj se SHBA meqënëse është më e fortë ka më shumë të drejtë. Këta kanë qenë komunistë, me Kinën.

Peza: Ore mos përmend emra.

Zekthi: Nuk e kam me ty.

Peza: Mos mu drejto mua drejtoju kamerës andej.