LIGJET E BIZNESIT
Ka përfunduar arratia 8 mujore e Enton Dushaj, 36 vjeçari i shpallur në kërkim si autori i plagosjes së dyfishtë të Erison Gjekës dhe Ndue Palit më 25 gusht 2020.
Ai është arrestuar nga njësia “Shqiponja” në zonën e njohur si truma e Dugajve të reja në Shkodër, pas pedonales “Kole Idromeno”.
Personi që ai plagosi, Erison Gjeka, është nipi i Gjon Gjekës, një nga emrat e të fortëve në Shkodër u plagos më 25 gusht 2020 në zonën e Fermentimit në Shkodër. 24-vjeçari ishte duke udhëtuar me motor me shokun e tij Ndue Pali, dhe në këtë moment dyshohet se Dushaj iu preu rrugën. Ai ka qëlluar disa herë në drejtim të tyre duke i plagosur.
Finalizohet operacioni policor i koduar “Skënderbeg”.
Operacioni i zhvilluar nga Forca e Posaçme “Shqiponja” e DVP Shkodër.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Vihet në pranga një 36-vjeçar i shpallur në kërkim për vrasje të mbetur në tentativë.
Në vijim të punës për kapjen e personave të shpallur në kërkim, bazuar edhe në informacionet e marra në rrugë operative për vendndodhjen e një personi me rrezikshmëri shoqërore në fushën e krimeve ndaj personit, Forcat e Posaçme “Shqiponja” kanë organizuar dhe finalizuar operacionin policor të koduar “Skënderbeg”, në kuadër të të cilit u kap dhe u vu në pranga shtetasi E. N., 36 vjeç, banues në lagjen “Skënderbeg”.
36-vjeçari ishte person i shpallur në kërkim, pasi Gjykata e Rrethit Gjyqësor Shkodër i ka caktuar masën e sigurisë “Arrest në burg”, për veprat penale “Vrasja në rrethana të tjera cilësuese”, mbetur në tentativë dhe “Armëmbajtja pa leje”.
Ky shtetas, më datë 25.08.2020, gjatë një konflikti të çastit, ka qëlluar me armë zjarri duke i plagosur në këmbë, shtetasit E. Gj. 24 vjeç, banues në fshatin Bradhaj, Shkodër, dhe N. P. 24 vjeç, banues në lagjen “Mark Lula”, Shkodër, të cilit pas mjekimit të marrë në spital janë larguar për në banesë.
Materialet shtesë në ngarkim të këtij shtetasi i kaluan Prokurorisë së Rrethit Gjyqësor Shkodër.
