“PD-ja nuk është e mbushur me ëngjëj”/ Dash Shehit i del padashje: Ka dhe nga ana jonë vota të blera me paratë e milionerëve

Ndërsa analisti Baton Haxhiu në studion e emisionit “Opinion”, tha se të gjitha partitë blejnë vota, një të tillë e pranoi edhe Dashamir Shehi.

Ai tha se PD nuk është e mbushur me ëngjëj dhe se kanë edhe ata vota të blera nga ana e milionerëve.

Debati

Dashamir Shehi: Kjo nuk është çështje partish, kjo është çështje pushteti, qeverisjeje, nga aty vjen grabitja. Që t’jua shpjegoj. Jo s’e nuk i ka blerë vota. Nuk është PD-ja se është e mbushur me ëngjëj. Edhe PD-ja kur ka qenë në pushtet i ka bërë këto gjëra, por jo në këtë dimension. Nuk është puna që dy tifozë, një i PD-së dhe një i PS-së dhe ky i PS-së është bujar dhe hedh pare për të mundur PD-në. nuk është puna kështu sepse do të ishte shumë bukur. Puna është se ky i PS-së përdor shtetin, paratë e shtetit. Për mua krimi më i rëndë është kjo e patronazhistëve. Ky është krimi më i madh, jo u shitën ca fukarenj aty e atje, nuk më shqetësojnë fare

Blendi Fevziu: Nuk të shqetëson fare?

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Dashamir Shehi: Jo, më shqetëson se ky ka marrë në pushtet 900 mijë njerëz dhe u ka vënë një aty për tu thënë se ju përgjoj unë ju, ju kam në dorë. Kjo është Sigurim Shteti, përgjim deri në qelizë. Kemi edhe vota të blera nga ana e milionerëve edhe këtej nga ana jonë ka, nuk më vjen mirë, por ka.