LIGJET E BIZNESIT
Revista Art & Trashëgimi me mbështetjen e Ministrisë së Kulturës hap në Tiranë ekspozitën “Mbro & Promovo” – 4 tek Reja në Tiranë, ditën e hënë 24 maj 2021.
Si e shikojnë të rinjtë trashëgiminë natyrore dhe kulturore të Shqipërise? Ky ishte ngacmimi që shtyu mbi 45 të rinj me disa prej punimeve të tyre të marrin pjesë në këtë konkurs. Ekspozita do të qëndrojë e hapur deri ditën e mërkurë.
Pas një jave, ekspozita do të udhëtojë drejt Parkut Arkeologjik të Apollonisë ku do të qëndrojë deri në fund të qershorit, për të vazhduar më pas rrugëtimin drejt Pogradecit ku do të jetë e hapur pergjatë verës.
Mbro & Promovo ështe sllogani i kërkimit fotografik që shpreh dhe komunikon identitetin shqiptar përmes perceptimit artistik të trashëgimisë kulturore nga të rinjte, të cilët nëpërmjet fokusit te aparatit të tyre sjellin artistikisht në vëmendjen e publikut problematikat e ndryshme që shoqërojne identitetin tonë kulturor.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Fotot konkuruese ne edicionin e katërt të Mbro & Promovo u seleksionuan dhe vlerësuan nga një juri profesionistësh e përbërë prej fotografes franceze Françine Carpon, Romain Bijard, Patrimoine sans Frontieres, Gent Shkullaku, Denald Grepcka, Anila Muka, James Leithart, Ornela Durmishaj, Francine Carpon, Roman Bijard, Andi Rembeci.
Fotoja fituese e këtij edicioni i shkon Sindi Islamaj nga Gjirokastra, Shëtitje me kuaj, Gjirokastër.
Finalistët e edicionit të katërt janë:
1. Sindi Islamaj – Shëtitje me kuaj, Antigone
2. Flori Brahimi – Kalaja e Gjirokastrës
3. Enea Haxhiaj – Mangalem, Berat
4. Denisa Kani – Krujë
5. Ervin Muslia – Kisha e Shën Mërisë, Përmet
6. Mirseld Ylldisi – Parku Arkeologjik i Apolonisë
7. Ergys Baki – Kalaja e Bashtovës
8. Albana Dedvuka – Liqeni i Shkodrës
9. Marina Hila – Liqeni i Ohrit
10. Andrea Pambuku – Afresk nga Kisha e Shën Mërisë, Berat
Konkursi dhe ekspozita “Mbro & Promovo” është një iniciativë e revistës Art & Trashëgimi, partnerë të kësaj iniciative janë: Universiteti Nehemia – Pogradec, Parku Arkeologjik Apollonia.
