Pamjet që po shkaktojnë zemërim në Greqi/ Punonjësit e azilit dhunojnë të moshuarën

Një grup punonjësish azili kanë shkaktuar zemërim pas publikimit të disa pamjeve ku ata duken që tallen e torturojnë një të moshuar.

Ata i tërheqin buzën, hundën, veshët dhe tallen mbi të, teksa e moshuara është e pafuqishme që t’i ndalë.

‘Ik nga këtu”, ulëret ajo në një moment.

Ngjarja ka ndodhur rreth një muaj më parë në ishullin e Kretës dhe është pjesë e një hetimi të nisur nga autoritetet pas denoncimit të shumë qytetarëve se të afërm të tyre dhunoheshin sistematikisht nga punonjësit e një azili në këtë ishull.