LIGJET E BIZNESIT
Pak ditë pas deklaratës së ish-presidentit amerikan Barack Obama i cili pranoi ekzistencën e UFO-ve dhe tha se ushtria amerikane është munduar t’i gjurmojë, opinioni në SHBA është ndarë në dy.
Një pjesë prej tyre, nuk i besojnë këtyre teorive teksa të tjerët janë kuriozë të dinë më shumë në lidhje me këtë çështje.
Në një shou televiziv, Obama u shpreh se ka parë imazhe të ndryshme ku shihen objekte të paidentifikuara teksa fluturojnë në qiell, duke specifikuar po ashtu se nuk e di saktësisht se për çfarë bëhet fjalë.
Pa komentuar situatën nuk ka shpëtuar edhe presidenti aktual amerikan Joe Biden, i cili gjatë një konference për media është pyetur nga gazetarët që të japë mendimin e tij në lidhje me deklaratat e Obamës.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Një situatë të tillë, ai e mori me sportivitet. Me një dozë humori ai i është përgjigjur prerë gazetarit, duke i sugjeruar se do të ishte më mirë që ta pyeste sërish Obamën – duke aluduar se nuk beson në jashtëtokësorë.
“Ne nuk mund të shpjegojmë se si lëvizin, nuk mund të shpjegojmë trajektoren e tyre. Ata nuk kishin një model lehtësisht të shpjegueshëm. Kështu që mendoj se njerëzit ende përpiqen të hetojnë dhe të kuptojnë se çfarë janë”, ishte shprehur më herët Obama.
Sakaq pas përgjigjes së shkurtër, presidenti u largua nga salla.
